ONS KYK TERUG NA #PICFC2022

Die Pay it Forward Christusfees het afgeskop met ‘n “7-Day Pay it Forward Challenge” op die 7de Oktober, waar ons die publiek uitgenooi het om vir 7 dae TERUG TE GEE en iets goed vir iemand anders te doen.

Die gemeenskap was uitgedaag om op Maandag, 10 Oktober by die Stadsaal in Despatch, bloed te skenk. Ons het meer as 30 eenhede ontvang deur bereidwillige bloedskenkers.

Hierbo: Elisha (10) voer ‘n onderhoud met Diann-David (7) wie se lewe gered is, agv iemand wat bereid was om bloed te skenk!

 Op Saterdag, 15 Oktober, het ons ‘n voldag Seminaar aangepak, saam met skrywer van die boek GOD EN GELD.

Wilco het die gemeenskap kom leer hoe om finansiël vry te kom en ons finansies op GOD se manier te bestuur.

Ons deel graag een van die getuienisse van die meer as 100 bywoners van die geleentheid:

"Hierdie is vir my 'n baie spiritual journey, maar ook een van die mens ontdek wat ek eintlik is. Ek was 'n depressie leier (ek se was, want ek glo God het my vernuwe) elke dag gedink aan selfmoord vir laaste 7-8 jaar. Ek het soveel hoop in die seminaar gehad vir my was dit die laaste life line. Ek was so verlore, deur leuns dat ek nie meer geweet het wie ek is nie. Nou weet ek. Ek is 'n kosbare dogter van God, en ek het 'n purpose."

Huis van Heerlikheid – 4Chase Straat, Uitenhage

Die Pay it Forward span het meer as 12 skole besoek in die week van die 17de - 21ste Oktober.

Die groep Onbeskaamd het tiener-leerlinge kom toerus met 'n boodskap van Respek vir jouself, die onderwysers en hul maats. Die jong-generasie het hul harte uitgesing saam met die band.

Oom Karoolus en Lente het verskeie boodskappe van hoop en liefde met die jong-span gedeel, waar hulle ook lekker saam gesing het.

Ouers kon deel in die aktiwiteite by die skool met 'n LIVE Facebook link wat beskikbaar gestel was vir elke skool.

 Pay it Forward het ook alle laerskoolonderwysers uitgenooi na ‘n gratis toerustingsgeleentheid saam met Lynette Beer. Die geleentheid het plaasgevind op Dinsdag, 18 Oktober om 16h00 by Laerskool Handhaaf se skoolsaal.

Hierdie geleentheid was uitsluitlik vir laerskoolonderwysers gewees.

 Pay it Forward het ook alle hoërskoolonderwysers uitgenooi na ‘n gratis toerustingsgeleentheid saam met Lynette Beer. Die geleentheid het op Woensdag, 19 Oktober om 15h00 by Hoërskool Despatch se skoolsaal plaas gevind.

Hierdie geleentheid was uitsluitlik vir hoërskoolonderwysers.

  ‘n GRATIS, geesvervulde Gospelaand, met van ons land se welbekende gospelsangers, LEON Ferreira, Oom Karoolus en LENTE, ONbeskaamd, en CARINDÈ van Schalkwyk het plaasgevind op Vrydagaand, 21 Oktober 2022 by die AGS Lighuis Christelike Sentrum in Despatach.

 Die Pay it Forward Christusfees het aangebied  “Geanker in HOOP”.

‘n Onvergeetlike damesogggend saam met welbekende spreekster Lynette Beer en Gospel sangeres, Carindè van Schalkwyk het plaasgevind op Saterdag, 22 Oktober by AGS Lighuis Christelike Sentrum op Despatch.

Meer as 500 dames het 'n boodskap van HOOP ontvang!

 Pay it Forward het die onvergeetlike feesweek afgesluit die Sondagaand, 23 Oktober, met  die legendariese gospel sanger, Danie Botha by Huis van Heerlikheid in Uitenhage.